Readings & references

---

• Aking kaakit-akit na Hesus, umaanib ako sa Iyong Kabanal-banalang Kalooban at nagpapatirapa ako sa harap ng Iyong Kataas-taasang Kamahalan, inuulit ang mga salitang ito kasama Mo: “Narito Ako, O Ama, pumarito Ako upang sundin ang Kalooban Mo,” at “Hindi Akin, kundi ang Kalooban Mo ang masunod.”Ama, ang lahat ng akin ay sa Iyo. Ipinagkaloob Mo sa akin ang gayong kalayaan sa biyaya ng aking kalooban. Hinahandog ko ito sa Iyo kapalit ng Iyong Kaloobang hangad kong angkinin. Ama, ipinauubaya ko ang aking sarili sa Iyo. Sa lahat ng ipasiya Mong gawin sa akin, uulitin ko kasama ng Inang Maria: “Maganap sa akin ayon sa Kalooban Mo.”Hinahabilin ko ang aking kahinaan sa Iyong Lakas, ang aking pagka-aba sa Iyong Kaganapan, ang aking mabibigat na mga kasalanan sa Iyong Kabanalan, para makapasok Ka sa akin upang gawin Mo akong kasangkapan para sa Iyong Kaluwalhatian.Hinahabilin ko ang aking mga gawa at ang aking buong buhay sa Liwanag ng Iyong Kabanal-banalang Kalooban, at kaisa ni Maria, aking Ina, ng iyong lingkod na si Luisa, ng buong Makalangit na Hukbo, isinasamo ko: “Halina, O Kataas-taasang Kalooban, halina upang maghari sa mundo! Halina upang maghari sa akin!”

•  O marapat na sambahin at Banal na Kalooban, narito ako sa harap ng kalawakan ng Iyong Liwanag upang buksan sa akin ng Iyong Walang Hanggang Kabutihan ang mga pinto at makapasok ako Rito para mahubog ang aking buong buhay sa Iyo, Banal na Kalooban.Kaya nga O marapat na sambahing Kalooban, nakatirapa sa harap ng Iyong Liwanag, ako na pinakaaba sa lahat ng nilalang ay dumudulog sa munting pangkat ng unang mga anak ng Iyong Kataas-taasang Kalooban. 

• Nakatirapa sa aking pagkaaba, isinasamo at iniluluhog ko sa Iyong Walang-katapusang Liwanag, na naisin nito na damtan ako at kublihan ang anumang hindi sa Iyo, sa gayong paraan na wala akong gagawin kundi pagmasdan, unawaain at mamuhay sa Iyo, Banal na Kalooban.Iyon ang aking magiging Buhay, ang tampulan ng aking katalinuhan, ang pumupukaw ng aking puso at ng aking buong pagkatao. Sa pusong ito, hindi na magkakaroon ng buhay ang pantaong kalooban; iwawaksi ko ito magpasawalang-hanggan, at bubuuin ang bagong Paraiso ng kapayapaan, ng kaligayahan at ng pag-ibig. Kasama Ito, lagi akong magiging maligaya, magkakaroon ako ng tanging lakas at kabanalan na magpapabanal sa lahat at magdadala sa lahat sa Diyos.Dito nakatirapa, hinihingi ko ang tulong ng Kabanal-banalang Sangtatlo, na papasukin ako upang mamuhay sa liblib na pook ng Banal na Kalooban, upang ibalik sa akin ang unang kaayusan ng Paglikha, tulad nang nilikha ang unang nilalang.Makalangit na Ina, Pinakamakapangyarihang Reyna ng Banal na Kalooban, tanganan Mo ako at kubkubin Mo ako sa Liwanag ng Banal na Kalooban. 

• Ikaw ang magiging aking gabay, aking magiliw na Ina; iingatan Mo ang Iyong anak, at tuturuan Mo akong mabuhay at panatilihin ang aking sarili sa katiwasayan at sa mga hangganan ng Banal na Kalooban. Makalangit na Reyna, ipinagkakatiwala ko sa Iyong Puso ang aking buong buhay; ako’y magiging munting abang anak ng Banal na Kalooban. Ituturo Mo sa akin ang Banal na Kalooban, at ako’y magiging mataimtim sa pakikinig sa Iyo. Ipapatong Mo sa akin ang Iyong asul na kapa para ang makademonyong ahas ay hindi mangahas na pumasok sa Banal na Paraisong ito upang akitin ako at pabagsakin sa kaguluhan ng pantaong kalooban.Puso ng aking Kataas-taasang Mabuting Hesus, ibibgay Mo sa akin ang Iyong mga lagabab, upang ako’y magliyab, ako’y tupukin at ako’y alagaan, para buuin sa akin ang Buhay ng Kataas-taasang Kalooban.San Jose, ikaw ang magiging tagapagtanggol, ko, ang tagapag-alaga ng aking puso, at iingatan ang mga susi ng aking kalooban sa iyong mga kamay. Mapag-angking iingatan mo ang aking puso, at hindi mo na ibibigay sa akin muli ito, upang makatiyak akong hindi na lalabas kailanman sa Kalooban ng Diyos.Anghel na Tagatanod, ingatan mo ako, iadya mo ako sa lahat ng bagay, upang ang aking Paraiso ay lumago, at maging panawagan sa buong mundo sa Kalooban ng Diyos.Makalangit na Hukbo, halina sa aking pagdamay at sinusumpa ko sa iyo na laging mamuhay sa Banal na Kalooban. Amen. 

• Taos-puso kong ipinahahayag sa harap ng Diyos, ng lahat ng mga Anghel at mga Santo, ng mga Pinagpala ng Langit, ng lahat ng kaluluwa sa purgatoryo, ng lahat ng nilikha, na minimithi kong mamuhay sa Banal na Kalooban, ano man ang kapalit. Ibig kong angkinin Kita at maangkin Mo ako. Nilalagom ang aking kalooban sa Banal na Kalooban, umaanib sa Iyong Pagka-Diyos at sa Iyong mga gawa. Umaanib ako sa lumilikha, nagliligtas, Nagpapabanal na mga Fiat at inaangkin ang mga Ito. Ibig kong angkinin ang Pagkatao at Pagka-Diyos ng ating Panginoong Hesu-Kristo. Ibig ko ring angkinin ang pagkatao ng Inang Maria at ni Luisa at gayon din ang kanilang mga kaalaman at mga gawa na ginanap sa Banal na Kalooban.Sa Iyong Kalooban, pumarito ako upang ibigin, sambahin, purihin at pasalamatan Ka para sa lahat. Pumarito ako upang igapos sa Iyong Luklukan ang lahat ng pantaong kalooban ng lahat ng salinlahi, mula sa una hanggang sa huling tao, upang matanggap nila ang Iyong Kataas-taasang Kalooban, ibigin Ito, sambahin Ito at bigyan ng buhay Ito sa loob ng kanilang kaluluwa. Kataas-taasang Kamahalan, sa malawak na hungkag na ito naroon ang lahat ng nilalang, at nais kong kunin silang lahat upang ilagay sila sa Iyong Banal na Kalooban, para ang lahat ay bumalik sa pinanggalingan kung saan nagsimula sila – Iyon ay ang Iyong Kalooban. Ito ang dahilan sa pagpunta ko sa Iyong makaamang mga bisig – upang dalhin sa Iyo ang lahat ng Iyong mga anak at aking mga kapatid at saklawin sila ng Iyong Kalooban. At sa ngalan ng lahat at para sa lahat, ibig kong bayaran Kita at bigyan Ka ng parangal at kaluwalhatian na para bang ang lahat ay ginanap ang Iyong Kabanal-banalang Kalooban. Subalit, O pakiusap! isinasamo ko sa Iyo, hindi na sana magkaroon ng paghihiwalay ang Banal na Kalooban at ang pantaong kalooban. Isang batang aba ang humihiling sa Iyo nito, at batid kong hindi Ka makatatanggi ng anuman sa mga batang aba.Mga paglilibot sa PaglilikhaInilalagom ko ang aking sarili sa Banal na Kalooban at ang malawak na hungkag na iyon ay sumagi sa aking isipan. Ibig kong gantihin ang aking Diyos dahil sa lahat ng pag-ibig Niya sa lahat ng nilalang. Ibig kong parangalan Siya bilang Maylikha ng lahat ng bagay, kaya: lumiligid ako sa lahat ng bagay na nilikha at itinatatak ko sa mga iyon ang aking ‘iniibig Kita’ at ‘Luwalhati’ para sa Kataas-taasang Kamahalan na parang hinahangad na punuin ang malawak na hungkag na iyon ng maraming ‘iniibig Kita’ at ‘Luwalhati’ upang gantihin ang Kataas-taasang Pag-ibig dahil sa labis na pag-ibig sa mga nilalang; lumiligid ako sa mga bituin, at sa bawat kislap ng liwanag, itinatatak ko ang aking ‘iniibig Kita’ at ‘Luwalhati sa Maylikha sa akin;’
• sa bawat sinag ng liwanag na ibinibigay ng araw, ‘iniibig Kita’ at ‘Luwalhati;’
• sa bawat bahagi sa buong kalawakan ng kalangitan, ‘iniibig Kita’ at ‘Luwalhati;’
• sa paghuni ng mga ibon, sa pagaspas ng mga pakpak ng mga ito, ‘pag-ibig’ at ‘Luwalhati sa Maylikha sa akin;’
• sa bawat dahon ng damong sumisibol sa lupa, sa bawat bulaklak, sa bangong ibinibigay ng mga ito, ‘pag-ibig’ at ‘Luwalhati;’ sa kaitaasan ng mga bundok at sa kailaliman ng mga lambak, ‘pag-ibig’ at ‘Luwalhati;’
• lumulubog ako sa ilalim ng dagat at nais kong punuin ang bawat hagibis ng isda, ang bawat patak ng tubig ng aking ‘iniibig Kita’ at ‘Luwalhati sa Maylikha sa akin.’Aking Ama at Maylikha sa akin, aking Hesus at aking Tagapagligtas, tingnan Ninyo – ang lahat ng bagay, sa bahagi ng lahat ng nilalang ay nagsasabi sa Inyo na iniibig Kayo at niluluwalhati nila Kayo. Sa bawat dako ay may isang ‘iniibig Kita’ at ‘Luwalhati’ para sa Inyo; ang Langit at lupa’y napupuno ng mga ito. At Kayo – hindi ba Ninyo ipahihintulot sa Inyong maliit at abang anak na bumaba ang Inyong Kalooban sa gitna ng mga nilalang, ipakilala ang Sarili Nito, at samantalang hinahawakan Nito ang nararapat na pamamahala, ang kinalalagyan ng karangalan Nito, makipagkasundo ang pantaong kalooban sa Banal na Kalooban at walang nilalang ang makagawang muli ng kanyang kalooban kundi lagin ang Kalooban Mo?
• lumiligid ako sa bawat isip ng lahat ng nilalang at itinatatak ko ang aking ‘iniibig Kita’ sa mga ito;
• sumusuot ako sa bawat titig at iniiwan ko ang aking ‘iniibig Kita’ sa loob ng mga ito;
• itinatakip ko ang aking ‘iniibig Kita’ sa bawat bibig at bawat salita;
• ikinakalat ko sa bawat tibok ng puso, gawa at hakbang ang aking ‘iniibig Kita’ sa aking Diyos;
• lumiligid ako sa bawat puso ng lahat ng nilalang, na parang hinahangad na ikulong ang aking sarili sa loob nito at isigaw sa loob ng bawat puso ang aking ‘iniibig Kita’ at ‘Luwalhati’ sa Maylikha sa akin.’Hinahangad ko na maging iisa ang sigaw, iisa ang Kalooban, iisa ang pagkakasundo ng lahat ng bagay: ‘Pag-ibig at Kaluwalhatian sa Maylikha sa akin.’ At pagkatapos, parang sama-samang pinagtipon ang lahat, sa gayong paraan na ang lahat ay nagsasabi ng katapat ng pag-ibig at pagpapatunay ng Kaluwalhatian para sa lahat na ginawa ng Diyos sa Sangkinapal, pupunta ako sa Kanyang Luklukan at sasabihin ko sa Kanya: ‘Kataas-taasang Kamahalan at Maylikha ng lahat, ang abang paslit na ito’y dumudulog sa Iyong mga bisig, sa ngalan ng lahat ng nilalang, upang sabihin sa Iyo na ang lahat ng Sangkinapal ay nagbibigay sa Iyo ng katapat, hindi lamang ng Pag-ibig, kundi ng marapat na Kaluwalhatian para sa mga napakaraming bagay na Iyong nilikha dahil sa pag-ibig sa amin. Sa Iyong Kalooban, sa malawak na hungkag na ito, gumala-gala ako saanman, upang ang lahat ay ibigin Ka, purihin Ka at luwalhatiin Ka. At ngayong nailagay ko na para sa Iyo ang pag-ibig sa pagitan ng Maylikha at nilalang sa pagkakaugnay ng mga ito, na sinira ng pantaong kalooban, at ang Kaluwalhatiang utang sa Iyo ng bawat isa, pababain Mo sa lupa ang Iyong Kalooban, upang masakop at mapalakas Nito ang lahat ng mga kaugnayan sa pagitan ng Maylikha at nilalang. Ang lahat ay babalik sa kauna-unahang kaayusang Iyong itinatag. Kaya nga, magmadali, huwag nang magluwat – hindi Mo ba nakikita na ang mundo’y puno ng kasamaan? Ang Kalooban Mo lamang ang makakapigil sa agos na ito, makakapaglagay nito sa kaligtasan – makilala at maghari nawa ang Iyong Kalooban.’Mga paglilibot sa PagliligtasInilalagom ko ang aking sarili sa Banal na Kalooban at ako’y bumababa sa loob ng malawak na hungkag na iyon upang gantihin si Hesus sa Gawa ng Pagliligtas. At parang natatagpuan ang lahat na ginawa Niya sa ginagawa Niya, ibig kong ibigay sa Kanya ang aking pagganti ng lahat ng gawaing dapat ginawa para sa Kanya ng lahat ng nilalang sa paghihintay at pagtanggap sa Kanya sa lupa. At pagkatapos, parang hinahangad na baguhin ang anyo ng aking sarili sa pag-ibig kay Hesus, babalik ako sa aking taludtod at sasabihin ko:
• ‘Iniibig Kita’ sa Iyong Gawa ng pagpanaog mula sa Langit;
• itinatatak ko ang aking ‘iniibig Kita’ sa Iyong gawa na paglilihi sa Iyo;
• ‘iniibig Kita’ sa unang patak ng Dugo na dumaloy sa Iyong Pagkatao;
• ‘iniibig Kita’ sa unang tibok ng Iyong Puso, upang tatakan ang lahat ng pagtibok ng Iyong Puso ng aking ‘iniibig Kita’
• ‘iniibig Kita’ sa Iyong unang hininga;
• ‘iniibig Kita’ sa Iyong unang mga paghihirap;
• ‘iniibig Kita’ sa unang mga luhang ibinuhos Mo sa sinapupunan ng Iyong Ina;
• ibig kong gantihin ng aking ‘iniibig Kita’ ang Iyong mga panalangin, Iyong mga pagbabayad, Iyong mga alay;
• ibig kong ilakip sa bawat sandali ng Iyong Buhay ang aking ‘iniibig Kita;’
• ‘iniibig Kita’ sa Iyong Pagsilang;
• ‘iniibig Kita’ sa lamig na pinagdusahan Mo;
• ‘iniibig Kita’ sa bawat patak ng gatas na ipinasuso ng Iyong Ina;
• hinahangad kong punuin ng aking ‘iniibig Kita’ ang mga damit na ibinigkis sa Iyo ng Iyong Ina;
• itinatatak ko ang aking ‘iniibig Kita’ sa ibabaw ng lupa kung saan inilapag Ka nang mahinay ng Iyong Mahal na Ina sa sabsaban at ang Iyong murang mga paa at bisig ay nadama ang tigas ng dayami – subalit higit sa dayami, ang katigasan ng mga puso;
• ang aking ‘iniibig Kita’ sa bawat mga panangis Mo, sa lahat ng luha at mga paghihirap ng Iyong murang gulang;
• pinadadaloy ko ang aking ‘iniibig Kita’ sa lahat ng pagkakaugnay, mga pag-uusap at Pag-ibig sa Iyong Ina;
• ‘iniibig Kita’ sa bawat salitang Iyong binigkas, sa mga hakbang na Iyong ginawa, sa pagkaing Iyong kinain, sa tubig na Iyong ininom;
• ‘iniibig Kita’ sa gawaing Iyong tinupad sa pamamagitan ng Iyong mga kamay;
• ‘iniibig Kita’ sa lahat ng gawang Iyong tinupad noong panahon ng Iyong lingid na buhay;
• ikinikintal ko ang aking ‘iniibig Kita’ sa bawat isa ng Iyong panloob na mga Gawa at sa paghihirap na Iyong pinagdusahan;
• inilalatag ko aking ‘iniibig Kita’ sa mga daang Iyong nilakaran, sa hanging Iyong nilanghap, sa lahat ng pangaral na Iyong inihatid sa panahon ng Iyong hayag na buhay;
• 'iniibig Kita’ sa Iyong Pagbabagong-Anyo;
• ang aking ‘iniibig Kita’ ay umaagos sa lakas ng mga himalang Iyong ginawa, sa mga Sakramentong Iyong itinatag at inaangkin ko ang lahat na bunga ng bawat isa ng mga Ito;
• sa lahat ng bagay, O Hesus ko, kahit sa kaibuturan ng mga himaymay ng Iyong Puso, itatatak ko ang aking ‘iniibig Kita’ para sa aking sarili at para sa lahat;
• ang Iyong Kalooban ay ginagawang kasalukuyan sa akin ang lahat at wala akong hangad na iwan na ang aking ‘iniibig Kita’ ay hindi itinatatak;
• ang abang anak na ito ng Iyong Kalooban ay nadarama ang tungkulin, kung wala na akong magagawa para sa Iyo, na mabigyan Ka man lamang ng isang maliit na ‘iniibig Kita’ para sa lahat na ginawa Mo para sa akin at para sa lahat;
• kaya nga, sinusundan Ka ng aking ‘iniibig Kita’ sa lahat ng sakit ng Iyong Pasyon, sa lahat ng lura, mga paglibak at mga paglait na ibinigay nila sa Iyo;
• ang aking ‘iniibig Kita’ ay nakakintal sa bawat patak na Iyong Dugong dumanak, sa bawat dagok na Iyong tinanggap, sa bawat sugat na tinamo ng Iyong Katawan, sa bawat tinik na tumusok sa Iyong ulo, sa mapait na sakit ng Pagpapako sa Iyo sa Krus, sa mga salitang binigkas Mo sa Krus;
• hanggang sa Iyong huling hininga, hinahangad kong itatak ang aking ‘iniibig Kita;’
• ‘iniibig Kita’ sa Iyong Muling-Pagkabuhay at sa Iyong Pag-akyat sa Langit;
• ibig kong lapatan ang Iyong buong buhay, ang lahat ng Iyong Gawa ng aking ‘iniibig Kita;’
• ibig kong Iyong mahipo, makita at madama ang aking walang-tigil na ‘iniibig Kita’ saanman;
• hindi Ka iiwanan ng aking ‘iniibig Kita,’ – ang Iyong Kalooban mismo ay ang Buhay ng aking ‘iniibig Kita.’Ang abang paslit na ito’y hangad na ang Banal na Kaloobang iniibig Mo nang higit, at Iyong sinunod sa panahong ng Iyong buong Buhay sa mundo, ay ipaalam ang Sarili Nito sa mga nilalang, upang ang lahat ay maibig Ito, at sundin ang Iyong Kalooban sa lupa para ng sa Langit. Ang abang paslit na ito’y hangad na bihagin Ka sa pag-ibig upang ipagkaloob Mo ang Iyong Kalooban sa lahat ng nilalang. O pakiusap! gawin Mong maligaya ang kahabag-habag at abang paslit na ito na naghahangad na walang iba kundi kung ano ang ibig Mo: na ang Iyong Kalooban ay maunawaan at Ito’y maghari sa lupa.Ibig kong madama ang hapis dahil sa lahat ng kasalanang ibinigay sa aking Diyos at itutuloy ko ang aking paglibot sa loob ng malawak na hungkag na iyon upang mahanap ang lahat ng hapis na nadama ni Hesus dahil sa lahat ng kasalanan. Ginagawa ko itong akin, at lumilibot ako saanman, sa tagung-tago at lihim na mga lugar, sa lantarang mga lugar, sa lahat ng masamang pantaong mga gawa, upang madama ang dalamhati dahil sa lahat ng mga kasalanan.
• Nadarama ko ang paghahangad na sumigaw sa bawat kilos ng nilalang: ‘Pagsisisi! Patawad!’ Itinatanim ko ito sa dagundong ng kulog, upang ito’y marinig ng lahat at ang pagsisisi sa pagkakasala sa Diyos ay dumagundong sa lahat ng puso.
• ‘Patawad’ sa pagkidlat;
• ‘Pagsisisi’ sa ihip ng hangin;
• ‘Pagsisisi, patawad’ sa pagtunog ng mga batingaw. Sa kabuuan, ‘pagsisisi at patawad’ sa lahat ng bagay.Pagkatapos, dadalhin ko sa aking Diyos ang pagsisisi ng lahat, isasamo ko ang patawad sa lahat, at sasabihin ko: ‘Dakilang Diyos, pababain Mo sa lupa ang Iyong Kalooban upang hindi na magkaroon ng kasalanan. Ang kalooban lamang ng tao ang nagdudulot ng napakaraming kasalanan. Ang Iyong Kalooban ang pupuksa sa lahat ng kasamaan.’ Kaya nga, isinasamo ko sa Iyo, pasiyahin Mo itong abang anak ng Iyong Kalooban, na walang nang hinahangad kundi ang Iyong Kalooban ay makilala, mahalin at maangkin, at maghari Ito sa lahat ng puso.Mga paglilibot sa PagpapabanalInilalagom ko ang aking sarili sa kaayusan ng Grasya, sa lahat na ginawa at gagawin pa ng Tagapagpabanal – ang Espiritung Banal – para sa mga pababanalin na iyon. Humaharap sa Kataas-taasang Kamahalan, sasabihin ko: ‘Pumarito ako upang gantihin Ka sa pag-ibig para sa lahat na ginagawa ng Espiritung Banal para sa mga iyon na pababanalin. Pumarito ako upang sumanib sa kaayusan ng Grasya, para makapagbigay sa Iyo ng Kaluwalhatian at ng pagganti ng Pag-ibig na parang ang lahat ay ginawang Santo ang kanilang sarili at magbayad sa Iyo para sa lahat ng pakikilaban at kakulangan ng pagtugon sa Grasya.Inaangkin ko ang hapis ng Espiritung Banal at ang Kanyang lingid na mga panaghoy, ang Kanyang nagdadalamhating mga hinagpis sa kaibuturan ng mga puso, sa pagkakita sa Kanyang Sariling inaayawan. At yayamang ang unang Gawa Niya’y dalhin ang Iyong Kalooban bilang lubos na Gawa ng kanilang Pagpapabanal, sa pagkakita Niya sa Sariling tinanggihan, nananaghoy Siya nang may di-maibigkas na mga panaghoy. At sa aking parang batang kasimplehan, sasabihin ko sa Kanya: ‘Espiritung Tagapagpabanal, dali, isinasamo ko sa Iyo, idinadalangin kong muli sa Iyo – gawin Mong makilala ang Iyong Kalooban sa lahat upang sa pagkakilala Nito, ay ibigin nila Ito at tanggapin nang malugod ang Iyong unang Gawa ng kanilang lubos na Pagpapabanal – ang Iyong Banal na Kalooban.’Sumasanib ako sa kaayusan ng Grasya at ibig kong sumali sa lahat ng ginagawa ng Espiritung Banal, kaya kasama Niya, kakatok ako sa pinto ng bawat puso upang magdala ng mga biyaya ng pananalig, pag-asa, pag-ibig, katotohanan, kaalaman ng sarili, pagsisisi, kapatawaran, tunay na pagbabagong buhay, pagpapagaling, kapayapaan, kalayaan sa pagkaalipin sa kasalanan, kaligtasan at Pagpapabanal sa lahat. Lumilibot sa mga Gawa ng Pagpapabanal:
• itinatatak ko ang aking ‘iniibig Kita’ sa Iyong Gawa ng pagsunod sa Ama at sa Anak, sa wagas na pagkakaisa ng Kabanal-banalang Sangtatlo;
• ‘iniibig Kita’ sa mga pagpapahayag ng Diyos na tumatanglaw sa kasaysayan ng kaligtasan mula sa mga patriyarka, mga propeta, mga apostoles, mga martir at mga santo, mga ama at dalubhasa ng Simbahan, mga mistiko, hanggang sa katapusan ng panahon;
• ‘iniibig Kita’ sa Kalinis-linisang Paglilihi sa Inang Mariang Kabanal-banalan, ang Iyong Kamahal-mahalang Esposa;
• ‘iniibig Kita’ sa Pagkakatawang-Tao ni Hesus sa Kapangyarihan ng Iyong Banal na Kalooban;
• ‘iniibig Kita’ sa Binyag ni Hesus;
• ‘iniibig Kita’ sa pagsilang ng Simbahan noong Pentekostes nang nanaog Ka bilang mga dila ng apoy sa Inang Maria at sa mga Apostoles sa silid sa itaas;
• ‘iniibig Kita’ sa Iyong paggabay sa aming Banal na Inang Simbahan;
• ‘iniibig Kita’ sa bawat salita ng Banal na Kasulatan na binigyan Mo ng inspirasyon;
• ‘iniibig Kita’ sa Tradisyon kung alin ang mga Ama ng Simbahan ay laging napapanahong mga saksi;
• ‘iniibig Kita’ sa Kapangyarihang magturo ng Simbahan na Iyong tinutulungan;
• ‘iniibig Kita’ sa Sakramental na liturhiya sa pamamagitan ng mga salita at tanda nito na inilalagay Mo kaming kaisa ni Kristo;
• ‘iniibig Kita’ sa bawat panalangin kung saan ipinamamagitan Mo Kami;
• ‘iniibig Kita’ sa mga karisma at mga ministeryo na sa pamamagitan nito’y itinatag ang Simbahan;
• ‘iniibig Kita’ sa mga tanda ng apostolika at pangmisyong buhay;
• ‘iniibig Kita’ sa pagsaksi ng mga Santo na sa pamamagitan nito’y ipinahahayag Mo ang Kabanalan ni Kristo at ipinagpapatuloy ang mga Gawa ng Pagliligtas;
• inaangkin ko ang Iyong mga kaloob sa kalubusan ng lahat ng ito at itinatatak ko ang aking ‘iniibig Kita’ sa lahat ng mga ito;
• inaangking ko ang lahat ng Iyong bunga at itinatatak ko ang aking ‘iniibig Kita’ sa bawat isa ng mga ito;
• inaangkin ko ang lahat ng teolohikal na birtud at lahat ng kardinal na birtud at inilalagay ko ang aking ‘iniibig Kita’ sa bawat isa ng mga ito;
• ‘iniibig Kita’ sa bawat salita at katotohanan na nakapaloob sa mga sulat tungkol sa Banal na Kalooban at inaangkin ko ang mga kabutihan ng pamumuhay Nito;
• ‘Iniibig Kita, pinasasalamatan Kita, pinupuri Kita at niluluwalhati Kita’ dahil sa pinakadakilang Biyaya ng Banal na Kalooban – ang kalubusan ng Pagpapabanal ng tao. 

•  O Banal na Kalooban, sa pagsimula ng aming pagtipon sa Cenacle na ito, kami ay nananalangin at nakikiusap sa Iyo, na huwag mo sana kaming hayaan na hindi ka kasama - upang ikaw ang makapagsalita, makapagsulat at makapagrinig sa lahat naming kilos. Ito ay para mapakilala mo ang iyong sarili, at ipapaalam mo sa amin kung paano mong ninanais na maging buhay para sa lahat sa mundo at upang maibigay ang iyong pag-aaring kabutihan sa lahat. Kung hahayaan mo kaming gawin ito ng aming sarili, hindi namin magagawang ipakilala ka, dahil wala kaming kakayahan. Ngunit, kung ikaw ang gumagawa sa aming pagkilos, magtatagumpay ka. Ikaw ay makikilala at mangyaring makarating ang iyong kaharian sa aming pagtipon (Cenacle) at sa buong mundo.

• O Banal na Kalooban ng Diyos, dahil sa iyong kapangyarihan, inilalaho mo ang lahat para talikuran namin ang kasamaan sa mundo at sa lahat ng iyong nilalang. Inilagay mo ang iyong Makapangyarihang Katapusan dito upang maiwanan namin ang aming kasalanan at mahanap ang aming sarili sa daan ng iyong Banal na Kalooban.  Birheng Reyna ng Kalangitan at ng Kalooban ng Diyos, inilaan namin ang “cenacle” na ito bilang espesyal na pamamaraan upang ang iyong pag-ibig ay kumalat sa lahat at ang amin binabasa ay maging inspirasyong inangkin mo bilang  mga anak mo na manirahan kasama mo sa Kaharian na ito kung saan ang kalooban ng Diyos ay nasaiyo. Habang nagsisimula kaming lumuhod sa iyong paanan, hinihiling namin ang iyong pagpapala bilang Ina.

• Ang aming pag-ibig at ang aming buhay ay mapasaiyo. Ang iyong BANAL NA KALOOBAN ay ang kabutihan na magpaparami ng iyong buhay para sa lahat ng iyong nilalang sa mundo. At kami naman, yung nasa iyong Kalooban, ay nagnanais na bumuo ng maraming katulad mo para maging banal upang maibigay namin ang pagkatao at pagkadiyos mo sa bawat kaluluwa ng Purgatoryo, sa bawat Mapalad ng Langit, at sa bawat taong nabubuhay pa sa mundong ito. 

• At tayo ay magsimula na….

-------------

• Panalangin para sa ICCR Family at sa sariling Advocacy

• Panginoon naming mahabagin,
• Sa Iyong walang hanggang pag-ibig at awa, lumalapit kami sa Iyo na may pusong puno ng pag-asa at hangarin. Ipinagkakatiwala namin sa Iyo ang aming ICCR Family, ang aming mga proyekto, at ang aming misyon upang ipalaganap ang Iyong banal na kalooban sa mundo.

• Pinagpapakumbaba naming hinihiling na basbasan Mo ang aming mga adhikain, lalo na ang pagpapalago ng bokasyon sa pagpapari sa Missionary Fathers of the Divine Will at sa Missionary Daughters of the Divine Will. Nawa'y ipadala Mo sa amin ang maraming kaluluwang may pusong handang maglingkod sa Iyo, mga taong may taimtim na pananampalataya at matibay na dedikasyon sa paglilingkod sa Simbahan at sa kapwa.

• Dinggin Mo rin, O Diyos, ang aming panalangin para sa mga nangangailangan—ang mga walang-wala at hindi makapag-aral. Nawa'y maging liwanag at gabay ang ICCR upang sila ay mapanumbalik sa Iyong pag-aaruga. Tulungan Mo kami upang mas lalo pang maipadama sa kanila ang Iyong pag-ibig at kalinga. Bigyan Mo kami ng mas marami pang mabubuting puso na kusang loob na tumutulong, walang hinihintay na kapalit, kundi ang kaluwalhatian ng Iyong pangalan.

• Sa huli, Panginoon, itinataas namin sa Iyo ang aming hangarin na matatag ang free hospital bill para sa aming pamilya sa ICCR. Ipagkaloob Mo sa amin ang kakayahan, ang tamang direksyon, at ang mga taong magsusulong ng adhikaing ito upang matulungan ang lahat ng nangangailangan. Ikaw ang aming sandigan, at sa Iyo kami umaasa.

• Pagpalain Mo, O Diyos, ang bawat hakbang namin. Nawa’y maging matatag ang aming pananampalataya, mapuno ng malasakit ang aming mga puso, at maging mabunga ang aming mga gawain alang-alang sa Iyong kaluwalhatian.
• Sa pangalan ni Hesukristo, ang aming Panginoon. Amen

--------

•  THE PROMISES OF THE HOLY ROSARY
• The Holy Rosary has a rich history and is deeply connected to the promises of the Blessed Virgin Mary.

• History of the Holy Rosary
• The tradition of praying the Rosary dates back to the 13th century when St. Dominic was said to have received it as a spiritual weapon against heresy. According to tradition, the Virgin Mary appeared to St. Dominic and encouraged him to spread devotion to the Rosary as a means of deepening faith and combating sin. Over time, the Rosary evolved into its current form, consisting of four sets of mysteries—Joyful, Sorrowful, Glorious, and Luminous (added by Pope St. John Paul II in 2002).

• The Rosary became widely practiced among Catholics, with many saints and popes promoting its power in leading souls closer to Christ. The Marian apparitions at Fatima in 1917 further emphasized the importance of praying the Rosary, as Our Lady urged the faithful to pray it daily for peace and the conversion of sinners.
• Promises of Mary for Those Who Pray the Rosary
• The Blessed Virgin Mary has made 15 promises to those who faithfully pray the Rosary. These promises were revealed to Blessed Alan de la Roche, a Dominican priest, and have been cherished by Catholics for centuries. Some of the key promises include:
• Special graces for those who faithfully recite the Rosary.
• Protection from misfortune and spiritual dangers.
• A powerful armor against hell, helping to destroy vice and sin.
• Increase in virtue and good works, leading souls closer to God.
• Assistance at the hour of death, ensuring salvation for devoted souls.
• Deliverance from purgatory for those who have been faithful to the Rosary.
• Great glory in heaven for those who spread devotion to the Rosary.
• These promises highlight the immense spiritual benefits of praying the Rosary, making it one of the most powerful devotions in the Catholic faith.